وزیر مملکت داخلہ طلال چوہدری نا احتساب عدالت نا پیشن میڈیا تون ہیت وگپ

مریم نواز ناجوڑ آ لمہ ءِ ہلسا کانود نا عملداری کن پدی بسنے، حسین نواز احتساب عدالت اٹ پیش مننگ یا مفننگ نا تینٹ فیصلہ ءِ کیک
اسلام آباد۔ 09 اکتوبر (اے پی پی) وزیر مملکت داخلہ طلال چوہدری پارینے کہ مریم نواز ناجوڑ آ لمہ ءِ ہلسا کانود نا عملداری کن پدی بسنے، حسین نواز و حسن نواز احتساب عدالت اٹ پیش مننگ یا مفننگ نا بارواٹ تینٹ فیصلہ کیرہ۔ نن داسَفا کننگ خوانہ کہ دیر اس کانود نا پاسداری و دیر اس بیرہ ہیت کیک، اسہ بھگوڑا اس بہانہ کرسا ملک آن پیشن ءِ، ایلو کنڈ آ او اشتہاری ءِ ہراکانود نا ہیت ءِ کیک ولے کانود نا مون آ پیش مفک۔ دوشنبے نادے داڑے احتساب عدالت نا پیشن میڈیا تون ہیت و گپ کرسا اوپارے کہ مسلم لیگ (ن) کانود نا پاسداری آ یخین تخک ، کیپٹن (ر) صفدر نا برخلاف داوڑنا کارروائی نا گرج الو کہ انتئے کہ او پیش مننگ کن ہی بسنے، داوڑ وارنٹ دزگیری معمول نا ہیت اسے، دزگیری آن پاناد کننگ مسکہ۔ اوپارے کہ معاملہ غاک سیکورٹی نا اسلام آباد پولیس آ بسر تو گچین بست و بند مس ، کوشست ءِ کہ میڈیا ءِ زیات آسودہی تننگے و عدالت نا تہٹی زیات آن زیات وکیل و صحافیک مریر، ننا کوشست ءِ کہ خلقت پیشن مرے کمرہ عدالت اٹی ہنپس۔