اسلام آباد و راولپنڈی تون اوار سندھ ومکران نا کرکی علاقہ غاتیٹی بروک آ مسہ دے اسکان درجہ حرارت اٹی ودکی، کشمیر و گلگت بلتستان نا ایب وکیب علاقہ غاتیٹی ہورہ و گروک تون پِر انا گمان ءِ ، محکمہ موسمیات

اسلام آباد۔ 09 اکتوبر (اے پی پی) محکمہ موسمیات نا رداٹ بروک آ مسٹ آن چار دے اٹی اسلام آباد ، راولپنڈی، کراچی تون اوار سندھ، مکران نا کرکی علاقہ غاتیٹی دے انا درجہ حرارت اٹی ودکی نا گمان ءِ وخت اس کہ بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے مالاکنڈ ڈویژن، کشمیر و گلگت بلتستان اٹی گڑاس ہند آتیا ہورہ و گروک تون پِر انا گمان ءِ۔ گدرینگوک آ 24گھنٹہ ٹی اسلام آباد و راولپنڈی تون اوار ملک انا گیشتر علاقہ غاتیٹی موسم باسن وپِرکتووخت اس کہ مالاکنڈ ڈویژن و گلگت بلتستان اٹی گڑاس ہند آتیا ہورہ و گروک تون زَرس پِر مس و غٹ آن زیات پِر بگروٹ اٹی اسہ ملی میٹر ریکارڈ کننگانے۔