کوئٹہ ٹی نادرست بندغ آتا گاڈی آ سم کاری آن 5 بندغ تپاخت کریر

کوئٹہ۔ 09 اکتوبر (اے پی پی) کوئٹہ ٹی نادرست بندغ آتا گاڈی آ سم کاری آن 5بندغ تپاخت کریر وخت اس کہ اسٹ اس بھاز ٹھپی مس ۔ پولیس نا رداٹ دوشنبے نادے کوئٹہ نا علاقہ کاسی روڈ آ نادرست سلہہ بند بندغ آک اناگت گاڈی سے آ سم کاری کریر ہراٹی 5بندغ صالح محمد، محمد علی، خادم حسین، سید سرور و اسہ نادرست ءُ بندغ اس موقع غاہی تپاخت کرے وخت اس کہ اسہ بندغ اس احمد علی بھاز ٹھپی مس۔ واقعہ نا احوال ملنگ تون پولیس و ایف سی نا بھلو نفری اس موقع غا سرمس لاش و ٹھپی ءِ دمدستی وڑاٹ سول ہسپتال آ مون تننگا ہراڑے ٹھپی نا حالیت نازرک پاننگ انگ ءِ۔ پولیس و ایف سی علاقہ نا ناکہ بندی ءِ کرسا دوبہ دارآتا پٹنگ نا بناءِ کرینو۔