وزیر مملکت اطلاعات و نشریات مریم اورنگزیب نا بیان

اسلام آباد۔ 08 اکتوبر (اے پی پی) وزیر مملکت اطلاعات و نشریات مریم اورنگزیب پارینے کہ عمران صاحب تینٹ ایمپائر نا ہورانا کٹھ پتلی ءِ ہنداخاطران اودے پاکستان نا ہر بندغ کٹھ پتلی نظر بریک، ادارہ غاتا شرف نا ہیت عمران ءِ زیب تفک، اول عدالت اٹی پیش مرسا تینا اشتہاری اسٹیٹس ءِ چٹفے، عمران خان نفسیاتی مریض اسے، اودے بیرہ پی ٹی آئی ٹی اوار مروک آ بندغ آک صادق و امین نظر بریرہ۔ پاکستان اٹی بدتمیزی ، بدتہذیبی و بداخلاقی نا منفی رویہ ءِ تالان کروک آ ہرامون اتون اخلاقیات نا سبخ ءِ ایتک، ٹکا ٹکا نا حساب ءِ تروک آتیا او دوبہ خلیک و تینٹ چندہ نا حساب ءِ تننگ کن تیار اف، محمد نواز شریف جوڑجاڑ و مخالف تخریب نا ایجنڈا غا روان ءِ۔ یک شنبے نادے اسہ بیان اسے ٹی اوپارے کہ عمران خان نفسیاتی مریض اسے ، اودے بیرہ پی ٹی آئی ٹی اوار مروک آ بندغ آک صادق و امین نظر بریرہ ، ادارہ غاتا شرف نا ہیت عمران ءِ زیب تفک ، زکواۃ نا پیسہ غاتیان منی لانڈرنگ کروک آ اینو ایلو فتیا دوتے بڑز کننگءِ۔ اوپارے کہ 2018ء نا گچین کاری تیٹی پاکستان نا الس عمران خان آن اونا کروک آتا حساب ءِ ہلیک، گدرینگوک آ چار سال اٹی عمران دھرنا تس، افراتفری تالان کرے ، انتشاری سیاست کرے و ادارہ غاتا تضحیک ءِ کرے۔ اوپارے کہ محمد نواز شریف جوڑجاڑ و مخالف تخریب ایجنڈا غا روان ءِ، محمد نواز شریف ، اونا بزرگ ایماندارآ باوہ، مچ آ خاہوت و شرفدار آ اُرانا زالبول آک احتساب تون مون تسر۔ اوپارے کہ پی ٹی آئی حکومت خیبر پختونخوا نا 4قیمتی سال زیان کرے، نتھیا گلی نا یخ انا مزہ ءِ ہلوک آتون پشاور اٹی ڈینگی نا مون ءِ توننگ کن وخت اف۔ اوپارے کہ کارندہ خیبر پختونخوا ءِ مسلم لیگ ن نا سوگو ءُ قلعہ اس جوڑ کینہ، 2018 ء ٹی خیبر پختونخوا ٹی مسلم لیگ ن نا حکومت مریک۔