اسلام آباد۔ 08 اکتوبر (اے پی پی) بنجائی وزیر امور کشمیر و گلگت بلتستان چوہدری محمد برجیس طاہر پارینے کہ حکومت تینا آئینی مد ءِ پورو کیک و محمد نواز شریف نا وژن نا پوروی کن جاری شونداری ڈٹ آتے ایسری اسکان سرکننگک۔ پاکستان نامعیشت سوگو ءِ و اینخو سال جی ڈی پی 6 درسد اسکان مننگ نا گمان ءِ، پاکستان نا کنڈ کنڈ اٹی شونداری ڈٹ نواز شریف نا …
بنجائی وزیر امور کشمیر و گلگت بلتستان چوہدری محمد برجیس طاہر نا بیان
گیشتریں ھال
اسلام آباد۔ 08 اکتوبر (اے پی پی) بنجائی وزیر امور کشمیر و گلگت بلتستان چوہدری محمد برجیس طاہر پارینے کہ حکومت تینا آئینی مد ءِ پورو کیک و محمد نواز شریف نا وژن نا پوروی کن جاری شونداری ڈٹ آتے ایسری اسکان سرکننگک۔ پاکستان نامعیشت سوگو ءِ و اینخو سال جی ڈی پی 6 درسد اسکان مننگ نا گمان ءِ، پاکستان نا کنڈ کنڈ اٹی شونداری ڈٹ نواز شریف نا الس تون مابت اسہ ساف ءُ شاہدی اسے۔ یک شنبے نادے داڑے جاری مروک آ اسہ بیان اسے ٹی اوتحریک انصاف و ایلو سازشی عنصر آتا کنڈآن پاکستان نا حکومت و معیشت نا بابت منفی خبر آتے تالان کننگ نا مذمت ءِ کرسا پارے کہ حکومت سوگو ءِ و وزیراعظم شاہد خاقان عباسی محمد نواز شریف نا وژن نا پوروی کن پرعزم ءِ و ملک انا کنڈ کنڈ اٹی جاری شونداری ڈٹ آک ترندی اٹ تینا پوروی نا کنڈآ ہِننگ ءُ ہرافتیان پاکستان اٹی ترند انگا و دیر پاشونداری نا تغ پورو مریک۔ بنجائی وزیر پارے کہ تحریک انصاف نا کنڈآن 2013ء آن بناء کروک آ سازش آتا مسخت دائس کہ چندی سازش آتا کمک اٹ پاکستان ءِ نزور کننگے و محمد نواز شریف نا شونداری ایجنڈا ءِ ڈی ریل کننگ نا کمک اٹ اقتدار نا ایوان اسکان رسینگ ءِ دوئی کننگے۔
