وزیراعظم شاہد خاقان عباسی نا کندھ کوٹ گیس فیلڈ اٹی گیس انا پیداوار اٹی ودکی نا ڈٹ انا بنائی دود آن تران

اسلام آباد۔ 07 اکتوبر (اے پی پی) وزیراعظم شاہد خاقان عباسی پارینے کہ ساڑی آ حکومت نا دور اٹی اولیکو وار گیس انا کھپت اٹی ودکی اتون اوار اوار ہنداخہ مقدار اٹی نظام اٹی گیس انا ودکی کننگانے ہرا اسہ بھلو سرسہبی اسے، کندھ کوٹ گیس فیلڈ اٹی گیس انا پیداوار اٹی ودکی نا ہدف ءِ دوئی کننگ آ پی پی ایل مبارکباد نا حقدار ءِ، اینو نا ڈٹ انا بناگدوپاور پلانٹ کن اہم ءُ پیش رفت اسے ، ملکی معیشت نا شونداری ٹی پی پی ایل نا خذمت آتا دنگ تالان مننگ ءِ، پی پی ایل اٹی 100 درسد نوکری میرٹ آ تننگانے، تیل و گیس اتون اوار توانائی نا بشخ انا شونداری حکومت نا اولیت آتیٹی اوار ءِ ، ساڑی حکومت نا دور اٹی تیل و گیس انا 100 آن زیات دریافت مسنے۔ داخیال آتا درشانی ءِ او ہفتہ نادے داڑے پاکستان پٹرولیم لمیٹڈ (پی پی ایل) انا کنڈآن کندھ کوٹ گیس فیلڈ اٹی گیس انا پیداوار اٹی ودکی نا ڈٹ انا بناءِ کرسا پارے۔