وزیراعظم شاہد خاقان عباسی نا ہفتہ نادے نواں جتوئی ٹی لس جلسہ غان تران

وزیراعظم نا نوشہرو فیروز اکن دونیم ارب روپئی، ہیلتھ کارڈ اسکیم ، فوڈ پراسیسنگ پلانٹ نا پڑو
نوشہروفیروز۔ 07 اکتوبر (اے پی پی) وزیراعظم شاہد خاقان عباسی پارینے کہ سیاسی فیصلہ غاک عدالت یا روڈ آتیان بیدس بایدے پولنگ اسٹیشن آتیا مریر۔ چین پاکستان اقتصادی راہداری ڈٹ 50 سال اسکان معیشت نا سوگوی، ملک انا شونداری و روزگار نا وارخواہی فراوان کیک، نن خورک انگا نعرہ و حکومتی وسیلہ غاتے جندی مسخت کن کاریم اٹ اتون، روزگار ، شونداری و انصاف کن جمہوریت المی ءِ، نواز شریف اسٹ انگا لیڈر ءِ ہرا ملک ءِ گنڈنگ و ملکی شونداری نا ہیت ءِ کیک، ننے میثاق جمہوریت نا رداٹ مون آ ہنوئی مریک، ننے غٹ ءِ اواری اٹ دہشت گردی ءِ شکست تروئی ءِ، الس بروک آ گچین کاری تیٹی درست فیصلہ کے وخت اس کہ وزیراعظم نوشہرو فیروز کن دونیم ارب روپئی ، ہیلتھ کارڈ اسکیم ، فوڈ پراسیسنگ پلانٹ نا ہم پڑو ءِ کرے۔ او ہفتہ نادے داڑے نواں جتوئی ٹی لس جلسہ غان تران کریکہ۔ داوخت آ بنجائی وزیر غلام مرتضیٰ جتوئی ہم تران کرے۔ گورنر سندھ محمد زبیر، جام کمال، ارباب غلام رحیم، ایم این اے ملک ابرار، مسلم لیگ (ن) سندھ انا عہدیدار آتا بھلو کچ اس ساڑی ئسر۔