پاکستان برطانیہ تون تینا تعلقداری تے بے کچ اہمیت ایتک، سردار ایاز صادق
اسلام آباد۔ 07 اکتوبر (اے پی پی) اسپیکر قومی اسمبلی سردار ایاز صادق پارینے کہ پاکستان برطانیہ تون تینا تعلقداری تے بھاز اہمیت ایتک، و اقتصادی کمکاری وپارلیمانی کہول آ تعلقداری تا کمک اٹ ہڑتوم آ کنڈآتا تعلقداری تے پین سوگو کننگ نا خواہش مند ءِ، پاکستان اقوام متحدہ نا قرارداد آتارداٹ ہیت و گپ انا کمک اٹ کشمیری تے حق خودارادیت ترفنگ کن پرعزم ءِ۔ اوداخیال آتا درشانی ءِ ہفتہ نادے برطانیہ نا لارڈ ملکام گرے بروس تون اوڑدہی ٹی کرے ہرااوڑتون پارلیمنٹ ہاؤس اٹی اوڑدہی کریر۔ اسپیکر سردار ایاز صادق پارے کہ پاکستان برطانیہ تون تینا اسٹریٹجک شریداری ءِ بھاز اہمیت ایتک۔ اسپیکر زور شاغا کہ برطانیہ مقبوضہ کشمیر اٹی کودک کشمیری تا برخلاف بھارتی بیدادی نا نوٹس ءِ ہلے۔
