وزیراعلیٰ بلوچستان نا ٹریفک شکست آ ڈکھ و غم نا درشان، ٹھپی تا درمان کن پبی گام گیج چست کننگے، نواب ثناء اللہ زہری نا تعلقدار کمامدارآتے پارت
کوئٹہ۔ 07 اکتوبر (اے پی پی) مستونگ نا علاقہ دشت اٹی ویگن و کوچ اسے نا ڈوک لگنگ اٹی 13بندغ تپاخت کریر وخت اس کہ 20 ٹھپی مسنو، لیویز نا رداٹ ہفتہ نادے دشت تیرہ میل نا علاقہ ٹی کوئٹہ غان بولان آ ہنوک آ بس و ویگن اس ڈوک لگار ہراٹی 13بندغ تپاخت کریر وخت اس کہ 20 بندغ ٹھپی مسر، لیویز و سیکورٹی فورس آتے احوال ملنگ تون جاگہ غا سرمرسا لاش و ٹھپی تے دمدستی وڑاٹ کوئٹہ ہسپتال آ مون تسر ہراڑے ٹھپی تے طبی امداد تننگ انگ ءِ۔ داکان بیدس وزیراعلیٰ بلوچستان نواب ثناء اللہ خان زہری مستونگ اٹی ٹریفک شکست آ ڈکھ و غم نا درشانی ءِ کرے۔ وزیراعلیٰ صوبائی وزیر و سیکرٹری جان جوڑی ءِ پارت کرے کہ شکست اٹی ٹھپی مروک آ بندغ آتا درمان کن پبی گام گیج چست کننگے، نواب ثناء اللہ زہری تپاخت کروک آ بندغ آتا بخشش، ٹھپی تا زوت جان جوڑی و زہمی خاہوت آتون ہمدردی نا درشانی ءِ کرے۔
