ایف سی بلوچستان دہشت گردی نا بھلو کارروائی اسے بے سہب جوڑ کرسا بھلو کچ اسے ٹی سلہہ دوئی کرے
راولپنڈی۔ 07 اکتوبر (اے پی پی) مچ آ ملک اٹی آپریشن ردالفساد پبی وڑاٹ برجاءِ، ایف سی بلوچستان دہشت گردی نا اسہ بھلو کارروائی اسے بے سہب جوڑ کریر و بھلو کچ اسے ٹی سلہہ دوئی کریر۔ ہفتہ ناد ے آئی ایس پی آر نا کنڈآن جاری پریس ریلیز نا رداٹ ایف سی اودیم معلومداری آ گراندانی، کوہلو ، غازی نالہ ، اچ نصیر آباد اٹی آپریشن کریر۔ ایف سی کارروائی ٹی 13سد کلو بارودی مواد دوئی کرے، بارودی مواد آک صوبہ ٹی دہشت گردی نا کارروائی تیٹی کاریم اٹ اتنگارہ۔ اہم ہند آتا نقشہ و مواصلاتی ازباب ہم کوزہ ٹی ہلکر، آپریشن اٹی بارودی سرنگ آتیان بیدس مشین گن، راکٹ و ہینڈ گرنینڈ ہم دوئی کننگا۔
