اسلام آباد۔ 07 اکتوبر (اے پی پی) ایڈمرل ظفرمحمود عباسی پاک بحریہ نا کمان ءِ سنبھالا، نیول ہیڈ کوارٹر اسلام آباد اٹی پروقار دود اسے ٹی دزکش مروک آ نیول چیف ایڈمرل ذکاء اللہ پاک بحریہ نا کمان ءِ اونا حوالہ کرے، او پاک بحریہ نا 16می سروک ءِ۔ دود اٹی بھلو کچ اسے ٹی پاک بحریہ نا بڑزکو آفیسر و اوفتا اُرائیک شرکت کریر۔ پاک بحریہ نا چاق و چوبند دستہ گارڈ آف آنر پیش کرے۔ دزکش مروک آ نیول چیف ایڈمرل ذکاء اللہ و پوسکن آ چیف گارڈآف آنر نا معائنہ ءِ کریر۔ دزکش مروک آ نیول چیف ایڈمرل ذکاء اللہ داوخت آ تران کرسا پارے کہ پاکستان تینا دفاع نا پبی لائخی تخک ، چین پاکستان اقتصادی راہداری ڈٹ ڈیہہ ٹی امن و شونہالی نا ضامن ءِ ، دانا سیکورٹی کن پاک بحریہ تینا پبی کڑد ءِ ادا کننگ ءِ۔
