راولپنڈی۔ 07 اکتوبر (اے پی پی) سیکرٹری دفاع لیفٹیننٹ جنرل (ر) ضمیر الحسن شاہ پارینے کہ پاکستان ڈیہہ ٹی امن و استحکام نا رکھ اکن تینا پبی کڑد ءِ ادا کرینے، جہانی برادری ءِ بایدے مرے کہ او ڈیہہ نا سوگوی کن علاقائی ویل آتے ایسر کننگ کن کڑد ادا کے۔ جہانی برادری ءِ دہشت گردی نا برخلاف جنگ اٹی پاکستان نا قربانی تے بایدے امنا کروئی مرے۔ وزارت دفاع آن جاری پریس ریلیز نا رداٹ سیکرٹری دفاع لیفٹیننٹ جنرل (ر) ضمیر الحسن شاہ فرانس نا سیکرٹری جنرل دفاع و قومی سلامتی لوئس گاٹیئر تون اوڑدہی کرے ہراٹی او دہشت گردی نا برخلاف جنگ اٹی پاکستان نا قربانی تے مون آ تخا۔ سیکرٹری دفاع فرانس پاکستان سیکورٹی کمیشن مذاکرات نا پنچ میکو دور اٹی شرکت کن فرانس نا سرکاری دورہ غاٹی ءِ۔
