وزیر خارجہ قومی سلامتی نا سلاہکار ءِ امریکی حکمت عملی آ پاکستان نا نقطہ نظر نا بارواٹی معلومدار کرے
اسلام آباد۔ 06اکتوبر (اے پی پی) وزیر خارجہ خواجہ محمد آصف امریکہ نا قومی سلامتی نا سلاہکار لیفٹیننٹ جنرل میک ماسٹر تون وہائٹ ہاؤس اٹی اوڑدہی کرے۔ جمعہ نادے واشنگٹن آن داڑے رسینگوک آ کلہو نا رداٹ ہڑتوم آ راہشونک ہڑتوم آ کنڈآتا تعلقداری و تین پہ تینی وڑاٹ فائدہ مند کمکاری نا مون آ دننگ نا وڑوڈول آتیا خیال آتا درشانی ءِ کریر۔ اوفک علاقائی سلامتی نا حالیت خاص کر اوغانستان نا بارواٹی ہم ہیت وگپ کریر۔ وزیر خارجہ قومی سلامتی نا سلاہکار ءِ امریکی حکمت عملی آ پاکستان نا نقطہ نظر نا بارواٹی معلومدار کرے۔ وزیر خارجہ پاکستان نا کنڈآن اوغانستان اٹی امن نا اہمیت ءِ تالان کرسا علاقائی امن و سوگوی کن اواری اٹ کاریم کننگ نا گرج آ زورشاغار۔

متعلقہ مضامینمصنف کی طرف سے مزید