ادارگ مئے وتی اَنت، ایشانی گوما جنگ کنگ مہ بیت، گچین کاری بل ئِ تہ ئَ ختم نبوت ئِ ھوالگئَ بوتگیں بدلی ئِ تہئَ ردی کنوکیں زمہ واراں سزا بہ رسیت ، گوستگیں مزن وزیر میرظفر اللہ خان جمالی ئِ بنجاہی اسمبلی ئَ جستءُ پُرسئِ وھدئَ ھیالءُ لیکہ ئِ درشانی

اسلام آباد۔05اکتوبر( اے پی پی) گوستگیں مزن وزیر میرظفر اللہ خان جمالی ئَ گشتگ کہ ادارگ مئے وتیگ اَنت ایشانی گوما ایچ وڈیں جنگ کنگ مہ بیت، حکومتءُ ادارگ آنی وتی وتی کارئِ وڈءُ پیم جتاھ بیت، گچین کاری بل 2017ئِ تہا ختم نبوت ئِ ھوالگئَ بوتگیں بدلی ئِ ردی ئِ زمہ واراں سزا بہ رسیت۔ پنچ شمبے ئِ روچئَ بنجاہی اسمبلی ئَ جستءُ پُرسئِ وھدئَ گوستگیں مزن وزیر میرظفر اللہ جمالی ئَ گشتگ کہ وھدے کہ بنجاہی اسمبلی ئِ اسپیکر سردار ایاز صادق ئِ ھلاپ ئَ آمید گسی پیسلہ اَتکگ گڈا من سوج داتگ کہ آمید گسئَ رﺅگئِ بدل ئَ گچین کاری ئَ بہ رو ءُ باج برءُ یک رندے پدا اسمبلی ئَ بیاءُ منی سوج منگ بوتگ، اے تنا اسپیکر ئِ اگدہ ئِ شرپءُ عزتئِ ھاترئَ بوتگ۔ آئیئَ گشتگ کہ ختم نبوت ئِ ھوالگئَ بلئِ تہا ردی کنوکاں سزا دیئگ بہ بیت۔ آئیئَ گشتگ کہ اگاں ڈان لیکس ئِ سرئَ سزاد یئگ بیت گڈاایشی ئِ سرئَ پرچا سزا دیئگ مہ بیت۔ شہباز شریف ئَ ھم گشتگ کہ ختم نبوت ئِ ھوالگئَ زمہ واراں سزا دیئگ بہ بیت۔