اسلام آباد۔05اکتوبر(اے پی پی) ڈپٹی چیئرمین پلاننگ کمیشن سرتاج عزیز ئَ گشتگ کہ پاکستان ءُ یمن مذہبی ءُ دودءُ ربیدگی سیادی ئِ تہا ھمگرنچ اَنت ، پاکستان یمن ئِ جاورھالاں گندگئَ اِنت، پاکستان وتی شاھ دربرانی تہا یمن ئِ نودربراناں اولی دلگوشیئِ گوما مزنیں وانگءُ زانگ ئِ موھئَ دنت۔ اے ھیالانی درشانی آئی ئَ پنچ شمبے ئِ روچئَ پاکستان ئَ یمنءِ سفیر مطّہر الاشعبیئَ گوں گندءُ نند ئِ تہا کتگ۔ گند ءُ نندئِ تہا دونیمگی سیادی، یمنئِ جاورھال ءُ دوھیں ملک آنی سرنیامئَ گپءُ تران کنگ بوتگ۔ اے موھئَ ڈپٹی چیئرمین پلاننگ کمیشن ئَ گشتگ کہ یمن ءُ پاکستان ئِ درنیامئَ وانگءُ زانگءُ دودءُ ربیدگ ئِ پڑآں ایکسچیج پروگرام ئِ ھوالگئَ سرءُ سوجئِ سرئَ چارءُ بچار کنگئَ اِنت۔ یمنی سفیر مطّہر الاشعبیئَ گشتگ کہ یمن پاکستانئِ نیمگئَ چہ کمکئَ را شرپءُ عزتئِ دنت ، پاکستانئَ مدام یمن ئِ جیڑھءُ جنجال من اِتگ اَنت ءُ یمن ئِ اُلس ئِ ھمراھ داری کتگ، پاکستان ئِ تہا دیمروئی گشاد اِنت ءُ نوکیں منصوبہ جوڈ کنگ جوانیں گپ اِت، پاکستان ئِ تہا دیمروئی ئِ عمل ئَ چہ خطہ ءُ رودراَتک وسطی ئَ جوانیں اثر ایر بنت، لوٹ اَنت کہ پاکستان ئِ گوما پیسرئَ چہ استیں دودءُ ربیدگی سیادی گیش مھکم بنت، پاکستان ئِ تہا وانگءُ زانگئِ پڑئَ دیمروئی ءُ گہتریں موھئَ چہ پاھدگ چست کنگ لوٹ اَنت۔ یمن ئِ سفیر ئَ ڈپٹی چیئرمین سرتاج عزیز ئَ را یمن ئِ انوگیں جاورھال ئَ چہ سرپد کتگ۔
