حکومت سلاھ بندیں اُرد آنی ازمکاری ئِ تہئَ گیشی ئُُ ایشی ئَ را مھکم کنگ ئِ واستہ توامیں ضلوری ایں گامگیج کنگ ئَ اِنت، انجینئر خرم دستگیر
اسلام آباد۔ 04 اکتوبر (اے پی پی) بُنجاھی وزیر ئِ دیمپانی انجینئر خرم دستگیر ئَ گوں چیف آف نیول سٹاف ایڈمرل محمد ذکا اللہ ئَ وزارت ئِ دیمپانی ئَ برو پہ ھیری گند ئُُ نند کت، وزیر ئِ دیمپانی ئَ روکیں چیف آف نیول سٹاف ئِ اِزمت آناں ساڑات ایش کہ آئی ئَ وتی دراج بُریں کیئریر ئِ ساھت ئَ ماتیں وطن ئِ واستہ کتگ اَنت ایشی ئِ تہئَ پاکستان نیوی ئِ یاتگیریں کارمستری ھوار اَنت۔ بُنجاھی وزیر ئَ ایڈمرل ذکاءاللہ ئَ را دیمپانی ئِ را گیش مھکم ئُُ نوک جوڑ کنگ ئِ اِزم ئَ را ساڑات ئُُ پاکستان نیوی ئِ کار آناں گیش ودینگ ئَ دیم ئَ جنزینگ ئَ آئی ئِ کرد ئِ توسیپ کت۔ چیف آف نیول سٹاف ئَ گوں تران کنان ئَ بُنجاھی وزیر ئَ گوشت کہ حکومت سلاھ بندیں اُرد ئِ اِزمکاری آنی تہ ئَ گیشی ئُُ ایشی ئِ مھکمی ئِ واستہ توامیں ضلوری گامگیج آں کنگ ئَ اِنت تانکہ دیم پہ دیمیں چیلنجز آناں گیوار کنگ بہ بیت ئُُ ملکی سیم سر آنی پُل پروپ دیمپانی کنگ بہ بیت ئُُ ملکی سیم سر آناں ای ای زیڈ ئَ تاں شائیگانی دیگ بہ بیت ئُُ عرب زرّ ئَ کانٹینیٹل شیل جوڑ بہ بیت۔
