اسلام آباد۔ 04اکتوبر (اے پی پی) وزیراعظم شاہد خاقان عباسی لین آف کنٹرول نا ایپار آن راولاکوٹ و چڑی کوٹ سیکٹر آتیٹی بھارتی سیکورٹی فورس آتا بے خار سم کاری نا ترندی اٹ مذمت ءِ کرینے ہراٹی اِرا کودک چناشہید مسنو۔ وزیراعظم پاکستان نا سیکورٹی فورس آتا کڑد انا ستاءِ کرے ہراپبی ورندی ءِ ترسا دشمن نا توپ آتے چُپ کرفیر۔ وزیراعظم پدسلوک آ خاہوت آتون دلی ہڑزخواہی و ہمدردی نا درشانی ءِ کرے و دعا کرے کہ اللہ تعالیٰ اوفتے داصدمہ ءِ سگنگ نا توفیق عطاء فرمائفے۔
