اسلام آباد۔03اکتوبر(اے پی پی) بلوچستانئِ سروزیر ثناءاللہ زہری ئَ گشتگ کہ ملک ئِ نامداریں قیادتئَ را دروگءُ پندلاں چہ تاوان دیئگ بوتگ، 1970ئَ اُلس ئِ پیسلہ ئَ را اگاں منگ بوت اِنت گڈاملک دو کپ نہ بوت۔ سئے شمبے ئِ روچئَ مسلم لیگ (ن) ئِ جنرل کونسل ئِ دیوان ئَ تران کنانئَ آئی ئَ پیسرگیں مزن وزیر محمد نواز شریفئَ را پارٹیئِ صدر گچین بوھگئِ سرئَ مراد بات داتگءُ گشتگ کہ مہ نواز شریف ئِ نابودی ئَ پد دو ما ھ ءُ نیمئَ سک باز جدوجہد کتگ۔ مہ نواز شریفئَ را یک رندے پدا صدر جوڈ کتگءُ وتی زمہ واری پیلو کتگ۔ آئیئَ گشتگ کہ ملک ئِ نامداریں قیادت ئَ را دروگءُ پندلاں چہ سائن لائن کنگئَ چہ ملکئَ را سک باز تاوان رسیتگ۔ 1970ئَ ملکئِ تہا اُلسئِ پیسلہ اگا ں منگ بوت اِنت گڈا ملک دو کپ نہ بوت۔ مسلم لیگ(ن) ئِ قیادت ئِ گوما کہ ھرچی بوھگئَ اِنت اے 20کروڑ اُلسءِ بے عزتی اِنت۔ آئیئَ گشتگ کہ انگت” گڈ مین“، ” بیڈ مین“ ءُ ” مائنس ون“ وڈیں گپ کنگ بہ بنت گڈا ملکئَ را سک باز تاوان رسیت۔
