اسلام آباد۔ 03 اکتوبر (اے پی پی) مزن وزیرشاہد خاقان عباسی ئَ محمد نواز شریف ئِ مسلم لیگ (ن) ئِ صدر ئِ بستار ئَ دووارگ گچین کاری ئِ نمیرانیں راجدپتر نکش کت، آئی ئَ اے دل یکیمی ئِ درشان کت کہ آیوکیں سال ئِ جون ئَ پد بوھوکیں لس گشین کاری ئَ پاکستان ئِ اُلس مسلم (ن) ئُُ محمد نوازشریف ئِ حک ئَ وتی رایہ ئَ دینت، نواز شریف ئِ سروکی ئَ اُلس ئِ گہبود ئِ واستہ بندات کتگیں منصوبگ آنی سرجمی مسلم لیگ (ن) ئِ منشور ئُُ مینڈیٹ اِنت، لیڈر اُلس ئِ دل آنی رہ ئَ زندگ اِنت آ کانود ئَ چہ جوڑ نہ بیت ئُُ آمید گس ئِ پیسلہ ئَ چہ ھتم نہ بیت، اُلس ئِ کمک ئَ چہ مُدام واش نام باں۔ آئی ئَ اے گپ سئے شمبے ئِ روچ ئَ اِدا کنونشن سنٹر ئَ مسلم لیگ (ن) ئِ مرکزی جنرل کونسل ئِ دیوان ئَ گشتانک دیان ئَ کت اَنت آھودا پیسریگیں مزن وزیر محمد نواز شریف ئِ چار سالی وھد ئُُ پاس ئِ واستہ مسلم لیگ (ن) ئِ ”بلا مقابلہ“ صدر گچین بوت۔ مراگش ئَ پیسریگیں مزن وزیر محمد نواز شریف، سر وزیر پنجاپ۔ مسلم لیگ (ن) ئِ چیئرمین راجہ ظفر الحق، کابینہ ئِ باسک، پارلیمنٹ ئِ باسک، مسلم لیگ (ن) ئِ جنرل کونسل ئِ باسک ئُُ مسلم لیگ (ن) ئِ سروک ئُُ باسک آنی مزنیں کساس ساڑی اَت۔مزن وزیر شاہد خاقان عباسی ئَ وتی گشتانک ئِ بندات ئَ پیسریگیں مزن وزیر محمد نواز شریف ئَ را پارٹی ئِ صدر جوڑ بوھگ ئِ درگت ئَ مبارکی دیان ئَ گوشت کہ مرچی یک نمرانیں راجدپتری روچ اِت۔ پاکستان مسلم لیگ (ن) ئِ محمد نواز شریف ئَ وتی راستی ئُُ دل یکیمی ئِ درشان کتگ۔
