اسلام آباد۔ 03 اکتوبر (اے پی پی) مسلم لیگ (ن) ئِ نوک گچین بوتگیں صدر پیسریگیں مزن وزیر محمد نواز شریف ئَ گوشت کہ کانودی رپک آںی وسیلگ ئئَ اُلسی مینڈیٹ ئِ بے شرپی کنگ مہ بیت، حق ئِ حاکمیت اُلس ئِ شرپ مندیں امانت ا،نت، ایشی ئِ ورگ ئُُ شاپگ ئِ رچ بند کنگ بہ بیت، اُلس ئِ حق ئِ حکمرانی برجا کنگ ئِ واستہ گینڈ نیشنل ڈائیلاگ کنگ بہ بیت، ملک ئُُ ایشی ئِ 20کروڑ اُلس ئِ واستہ مارا کسد ئُُ کنّت ، بھتام ئُُ کشاں چیل ئِ کلچر ئِ ھلاسی کنگ لوٹ ایت، ملک ئَ چہ کوراسی ھلاس بوھگ ئَ اَنت۔ لوڈ شیڈنگ ھلاس بوھگ ئَ اِنت۔ مئے واستہ دل یکیمی ئِ گپ اِنت کہ ملک ئِ اُلس مئے گوما ھمگام اِنت، 2013ئِ مٹ ئَ 2018ئَ مسلم لیگ (ن) ئَ را مزنیں کامیاتی ئِ رس ایت۔ اے ھیالانی درشانی آئی ئَ سئے شمبے ئِ روچ ئَ کنونسن سینٹر ئَ پارٹی صدر گچین بوھگ ئَ پد مسلم لیگ (ن) ئِ جنرل کونسل ئِ دیوان ئَ گشتانک دیان ئَ کت اَنت۔
