سرکاری بشخ آتا شونداری ڈٹ آتے کن جم وڑاٹ داوخت اسکان اسہ کھرب 69ارب 21کروڑ روپئی آن زیات نا فنڈ جاری
اسلام آباد۔ 03اکتوبر (اے پی پی) وزارت ڈٹ بندی و شونداری سرکاری بشخ اناشونداری پروگرام تیٹی چندی وزارت و ڈویژن آتا شونداری ڈٹ آتے کن جم وڑاٹ داوخت اسکان اسہ کھرب 69 ارب 21کروڑ روپئی آن زیات نا فنڈ جاری کرینے۔ حکومت سرکاری بشخ انا شونداری پروگرام تے کن جم وڑاٹ 10کھرب اسہ ارب روپئی نافنڈ جتا کرینے۔ پلاننگ کمیشن نا جاری کروک حساب وکتاب نار داٹ حکومت پرائم منسٹر یوتھ و ہنر مند پروگرام کن 3 ارب 91کروڑ، عارضی وڑاٹ بے اُرا مروک آ بندغ آتا بحالی کن 14ارب 59 کروڑ، ایراکن 90 کروڑ، پائیدار شونداری ہدف آتے کن 30 ارب، سیفران فاٹا کن 5ارب 14کروڑ، گلگت بلتستان بلاک کن 6ارب 12کروڑ، اے جے کے بلاک کن 4ارب 10 کروڑ، واپڈا پاور سیکٹر کن 9 ارب 38 کروڑ، نیشنل ہائی وے اتھارٹی کن 56ارب 5کروڑ، دیر و بجلی ڈویژن کن 7 ارب 38 کروڑ، سپارکو کن 50 کروڑ ، سائنس ٹیکنالوجیکل ریسرچ ڈویژن کن 28 کروڑ، ریونیو ڈویژن کن 9 کروڑ 30لکھ، ریلویز ڈویژن کن 8 ارب 63کروڑ، پورٹس اینڈ شپنگ ڈویژن کن 38 کروڑ 92لکھ، ڈٹ بندی شونداری واصلاحات ڈویژن کن 32کروڑ 20 لکھ، پٹرولیم و قدرتی وسیلہ غاتے کن اسہ ارب 91کروڑ، پاکستان اٹامک انرجی کمیشن کن 47 کروڑ90 لکھ، ملک اٹی جان جوڑی نا آسراتی تے گچین جوڑ کننگ کن اسہ ارب 71کروڑ ، نیشنل فوڈ سیکورٹی ریسرچ ڈویژن کن 32کروڑ27لکھ، ہائر ایجوکیشن کمیشن کن 6ارب 50 کروڑ، داخلہ ڈویژن کن اسہ ارب 48 کروڑ، فنانس ڈویژن کن 38 کروڑ 64لکھ، ڈیفنس پروڈکشن ڈویژن کن 86کروڑ 40لکھ، ایوی ایشن ڈویژن کن 62کروڑ 31لکھ، کابینہ ڈویژن کن 12کروڑ 39لکھ، کیڈ ڈویژن کن 92کروڑ 97 لکھ، کامرس ڈویژن کن 12کروڑ، موسمیاتی بدلی ڈویژن کن 16کروڑ 30 لکھ، کمیونیکیشن ڈویژن کن 2 ارب 60 کروڑ روپئی تون اوار چندی شونداری ڈٹ آتے کن فنڈ جاری کرینے۔ پلاننگ کمیشن اسہ خاص ءُ وڑوڈول اسے نارداٹ چندی وزارت و ڈویژن آتے فنڈ جاری کننگ ءِ۔
