اسلام آباد۔ 03اکتوبر (اے پی پی) وزارت ڈٹ بندی و شونداری پلاننگ کمیشن نا شونداری کاریم تے کن جم وڑاٹ داوخت اسکان 32کروڑ 20 لکھ روپئی آن زیات نا فنڈ جاری کرینے۔ حکومت داڈویژن نا شونداری کاریم تے کن 10 ارب 88 کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت چین پاکستان اقتصادی راہداری سپورٹ پروجیکٹ کن اسہ کروڑ 40لکھ، ڈویلپمنٹ کمیونیکیشن پروجیکٹ کن 4کروڑ 24لکھ، پلاننگ کمیشن اٹی سوشل انٹرپرینیور شپ سینٹر نا اڈ تننگ کن 80 لکھ، ویژن 2025ء نا سپورٹ و مانیٹرنگ کن 5کروڑ، سینٹر و رورل اکانومی کن اسہ کروڑ روپئی تون اوار چندی شونداری ڈٹ آتے کن فنڈ جاری کرینے۔
