صدر مملکت ممنون حسین ئِ بوہرہ برادری ئِ روحانی پیشوا سیدنا مفضل سیف الدین ئَ گوں گپ ئُُ تران

کراچی۔ 2 اکتوبر (اے پی پی) صدر مملکت ممنون حسین ئَ گوشت کہ جوانیں گامگیج ئُُ جھد ئُُ کوشست ئِ نتیجگ ئَ ایمنی ئِ جاور ھال گہتر بوتگ اَنت ئُُ نوں پاکستان ئَ توامیں نیک راھی ئُُ پگری مردم آں گوں سیادی داروک ، وتی وتی نیک راھ آنی پرز آں الکاپی ئَ پیلو کنگ ئَ اَنت۔ آئیئَ اے گپ دو شمبے ئَ بوہرہ برات آنی روحانی پیشوا سیدنا مفضل سیف الدین ئَ گوں گپ ئُُ تران کنان ئَ کت اَنت، آواں وتی ٹولہ ئِ ھمبراھی ئَ سٹیٹ گیس ہاوس ئَ آئی ئَ گوں گند ئُُ نند کت۔ صدر ئِ مملکت ئَ گوشت کہ ملک ئَ ایمنی ئِ برجائی ئِ ھاترا سندھ ئَ ھوار توامیں صوبگ آں جوانیں کرد پیلو کتگ ایش ملک ئِ دیمروئی ئُُ وشھالی ئِ درگت ئَ سک باز ارزشتی گام اِت۔ آئیئَ گوشت کہ ھمک ٹولہ ئَ گوں یکوئی حکومت ئِ پاکستان ئِ بنیاتی پالیشی اِنت ایشی ئِ سر ئَ اِچ سمجھوتہ کنگ نہ بیت۔ آئیئَ اے رد ئَ بوہرہ برات آنی روحانی پیشوا ئِ زانشتاکی آنی ساڑا ھم کت ئُُ گوشت کہ اے رند ئَ عاشورہ محرم اے رد ئَ سک باز یاتگیری اِنت کہ بوہرہ برات آنی روحانی پیشوا ئَ محرم ئِ مچی آں گوں وت گشتانک کنان ئَ وتی رندگیر آنی سروکی کت ایش چاگرد ئِ تہ ئَ وت مہ وت ئَ براتی ئُُ یکوئی ئَ را گیش ودینگ ئِ وسیلگ جوڑ بوھگ ئَ اَنت۔