وزیر مملکت اطلاعات و نشریات مریم اورنگزیب نا چین نا قومی دے آ کلہو

چین نا آزادی نا خوشی تیٹی پاکستان نا الس و حکومت بریبر نا شریک ءُ ، چین اتون بے مثال ، مخلصانہ و آزموندہ تعلقداری تیا فخر ءِ
اسلام آباد۔ 02اکتوبر (اے پی پی) وزیر مملکت اطلاعات و نشریات مریم اورنگزیب پارینے کہ چین نا آزادی نا خوشی تیٹی پاکستان نا الس و حکومت بریبر نا شریک ءِ ، چین اتون بے مثال ، مخلصانہ و آزموندہ تعلقداری تیا فخر ءِ، سی پیک ہڑتوم آ ملک آتا ہڑتوم آ کنڈآتا سوگو تعلقداری تا شاہدی اسے، ہڑتوم آملک آک دنیا و ڈیہہ ٹی امن ، شونداری و شونہالی کن اواری اٹ کاریم کننگ ءُ۔ یک شنبے نادے عظیم سنگت السی جمہوریہ چین نا قومی دے انا وخت آ تینا کلہو اٹی مبارکباد و نیک است خواہی تا درشانی ءِ کرسا اوپارے کہ چین نا الس و حکومت نا آجوئی نا خوشی تیٹی پاکستان نا الس وحکومت بریبر نا شریک ءُ، پاکستان و چین سنگتی نا لازوال بندھن اٹی تفوک ءُ۔ بے مثال سنگتی داسہ آہنی ایلم تا رشتہ ٹی بدل مسنے۔ اوپارے کہ چین اتون بے مثال ، مخلصانہ و آزموندہ تعلقداری تیا فخر ءِ، چین وپاکستان ہرچیلنج اٹی اسہ ایلو تون تفینو۔ اوپارے کہ چین پاکستان اقتصادی راہداری ڈٹ ہڑتوم آ ملک آتا ہڑتوم آ کنڈآتا سوگو تعلقداری تا شاہدی اسے، سی پیک ڈٹ مچ آ ڈیہہ ٹی شونداری و شونہالی نا ذریعہ جوڑ مریک، سی پیک آن ہڑتوم آ ملک آتا سنگتی پین کڑمب و تعلقداریک اسہ پوسکن ءُ دور اسے ٹی پترینگانو۔ اوپارے کہ چین و پاکستان دنیا و ڈیہہ ٹی امن ، شونداری و شونہالی کن اواری اٹ کاریم کننگ ءُ۔ اوپارے کہ وخت اتون اوار اوار پاکستان و چین نا نیام اٹ سنگتی پین سوگو و کڑمب مننگ ءِ ، ہڑتوم آ ملک آتا سروکی نا بصیرت ءِ مون آ تخسا پاک چین سنگتی سی پیک نا دروشم اٹ بروک آ نسل آتے منتقل مننگ ءِ۔