پاکستان عراق نا یکجہتی ، وت واجہی و علاقائی سالمیت نا پورو مخ تفی ءِ کیک، ترجمان دفترخارجہ

اسلام آباد۔ 02اکتوبر (اے پی پی) دفترخارجہ نا ترجمان پارینے کہ پاکستان عراق نا یکجہتی ، وت واجہی و علاقائی سالمیت نا پورو مخ تفی ءِ کیک، پاکستان ءِ 25ستمبر 2017ء آ عراق کردستان نا علاقہ ٹی اڈ ہلوک آ ریفرنڈم آ گڑتی ءِ۔ دوشنبے نادے میڈیا سوج انا ورندی ٹی ترجمان پارے کہ دا ریفرنڈم عراقی آئین نا خلاف ورزی ءِ۔ ہنداخاطران دانا ہچ ءُ کانودی حیثیت اس اف۔ ترجمان پارے کہ داڑآن عراق و مچ آ ڈیہہ نا امن و سلامتی ءِ خلیس مون تروک ءِ۔ پاکستان جہانی برادری تون اوار دا ریفرنڈم نا مخالفت اٹی عراق و اونا ہمسایہ ملک آتون تفوک ءِ۔ اوپارے کہ نن عراق نا حکومت و الس نا پورو مخ تفی نا اعادہ ءِ کینہ، و ننے عراق یا ڈیہہ نا ایلو ملک آتا علاقائی سالمیت ءِ نسخان رسیفوک آ کوشست آتیا بھاز گڑتی ءِ۔