اسلام آباد۔ 01اکتوبر (اے پی پی) بنجائی وزیر مذہبی امور و بین المذاہب ہم آہنگی سردار محمد یوسف بالا کوٹ اٹی ایوب پول انا دورہ ءِ کرے۔ داوخت آ بنجائی وزیر نیشنل ہائی وے اتھارٹی نا کمامدارآتے پول انا جوڑجاڑی کاریم ءِ زوت آن زوت پورو کننگ نا پارت کرے۔ کاغان و ناران نا دورہ نا وخت آ بنجائی وزیر مسہ دے مست ایوب پول انا اسہ تمبہ سے نا تمنگ آن پد اونا دورہ ءِ کرے انتئے کہ دا پول ہروڑنا ٹریفک کن بند کننگاسس۔ بنجائی وزیر پارے کہ دا ایوب پول نئے بیرہ دریائے کنہار آ بالاکوٹ و کاغان نا الس و سیل و سواتی تا ہن و بر نا بھلا مواصلاتی رابطہ ءِ۔ بلکن دا اسہ تاریخی ءُ پول اسے دانا سوب ہڑتوم آ کنڈآتیان بروک آتے مشکل آتون مون تروکی ءِ۔ بنجائی وزیر نیشنل ہائی وے اتھارٹی ءِ پارت کرے کہ دمدستی وڑاٹ جوڑجاڑی نا کاریم ءِ پورو کننگے و پول ءِ ٹریفک کن دُوارہ ملنگے۔ تحصیل بالاکوٹ نا سرجم دورہ غان پد بنجائی وزیر کاغان و ناران نا دورہ غارادہ مس ہراڑے او حلقہ نا الس تون اوڑدہی کیک وخت اس کہ چندی شونداری اسکیم تیا خیال آتا درشانی ءِ کننگک۔ ضلع ناظم مانسہرہ، سردار سید غلام و صوبائی اسمبلی نا باسک میاں ضیاء الرحمان ہم بنجائی وزیرتون اوار ءُ۔
