اسلام آباد۔ 01 اکتوبر (اے پی پی) وزیر مملکت اطلاعات و نشریات مریم اورنگزیب پارینے کہ امام عالی مقام و اونا سنگت آک حق و صداقت و اصول آتا فتح نا علامت ءُ، حسین رضی اللہ عنہ نا درس ءِ کہ ظلم ، جبر و تکبر نا مون آتینے شیف توپہ چائے کاٹم نا کائے۔ یک شنبے نادے یوم عاشور نا وخت آ تینا اسہ بیان اسے ٹی اوپارے کہ سچائی ءِ مٹائفوک آک مٹاہنگار ولے امام حسین رضی اللہ عنہ اونا آل پاک و اونا سنگت آک اینو ہم زند ہ و جاوید ءُ، کربلاگواہ ءِ کہ سچائی و اصول جبر انا بنداو آ مٹائفنگ مفک۔ اوپارے کہ امام حسین نا لازوال قربانی و اسلام و مسلمان تا عظیم میراتءِ و فکروعمل حسین نا روشنی ٹی سیوت، سخا و دانائی اٹ مون تروک چیلنج آتون مون تروئی مریک۔ وزیر اطلاعات پارے کہ اینو نا دے ننے اسلام، ایمان و سچائی کن صبر، استقامت و قربانی نا یات ترفک ، ننے امام عالی مقام نا نقش قدم تیا چلینگسا تینا کڑد انا جاچ ءِ ہلنگ نا گرج ءِ۔ اوپارے کہ مشکل انگا حالیت آتیٹی ہم سچائی آ سلنگ ہی حسینیت ءِ۔
