اسلام آباد۔ 01اکتوبر (اے پی پی) بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے مالاکنڈ ڈویژن و گلگت بلتستان اٹی گڑاس ہند آتیا ہورہ و گروک تون ہلکاپِر انا گمان ءِ۔ محکمہ موسمیات نا کنڈآن یک شنبے نادے داڑے جاری بیان نارداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و پِر کتنے۔ ولے مالاکنڈ ڈویژن اٹی گڑاس ہند آتیا ہورہ و گروک تون پِر مس۔ دیر 03 و کالام اٹی 01ملی میٹر پِر ریکارڈ کننگا۔ تدوک آ دے بھکر 42، سیبی ، سکھر، شہید بے نظیر آباد و نورپورتھل اٹی 41ڈگری سینٹی گریڈ درجہ حرارت ریکارڈ کننگا۔
