اسلام آباد۔ 30 ستمبر (اے پی پی) بحرین نا شوریٰ کونسل نا چیئرمین علی بن صالح الصالح نا سروکی ٹی بحرین نا پارلیمانی ڈل تینا دورہ ءِ پورو کننگ آن پد وطن آ پدی رادہ مس۔ ڈل ءِ دورہ نا سلہ چیئرمین سینیٹ میاںں رضاربانی تسوسس۔ ڈل ءِ ڈپٹی چیئرمین سینیٹ مولانا عبدالغفور حیدری و سینیٹ اٹی پاکستان بحرین سنگتی گروپ نا کنوینر سینیٹر حافظ حمداللہ و سینیٹ نا بڑزکو کمامدار آک رخصت کریر اوفتے دورہ و بڑزکو کہول آ مروک آ اوڑدہی تا البم اس ہم پیش کننگا ہرانا ڈل انا سروک ستاءِ کرے۔ علی بن صالح الصالح شاندار مہمانداری آ سینیٹ سیکرٹریٹ نا منت واری ءِ ہرفے۔ ڈل تینا دورہ ٹی صدر مملکت ممنون حسین، وزیراعظم شاہد خاقان عباسی ، چیئرمین سینیٹ تون اوڑدہی کریر ہراٹی پاکستان بحرین تعلقداری تے پین ودفنگ و تین پہ تینی کمکاری آن بیدس ڈیہہ نا جم اٹنگا حالیت آتیاخیال آتا درشانی ءِ کننگا۔

متعلقہ مضامینمصنف کی طرف سے مزید