اسلام آباد۔ 30 ستمبر (اے پی پی) پاکستان مسلم لیگ (ن) اقلیتی ونگ سیکٹر آئی نائن نا دیوان چیئرمین سردار مہتاب احمد خان ایڈووکیٹ نا کماشی ٹی مس ہراٹی پاکستان مسلم لیگ (ن) مینارٹیزونگ نا کارندہ غاتیان بیدس علاقہ والا ک بھلو کچ اسے ٹی شرکت کریر۔ دیوان اٹی علاقہ والاک مون تروک ویل آتا سرجمی اٹ ذکر ءِ کریر ۔ داوخت آ تران کرسا اقلیتی کونسلر مراد مسیح پارے کہ بلدیاتی گچین کاری تیٹی سرسہبی نا دروشم اٹ غٹ ویل آتے اولیتی بنداو تیا ایسر کننگک۔ اوپارے کہ بجلی نا ویل انا ایسری کن مسلم لیگ (ن) نا سروک و آئیسکو نا کمامدارآتون معاملہ ءِ چست کننگک۔ چیئرمین سردار مہتاب احمد خان ، وائس چیئرمین نوید انجم عباس، چوہدری عارف ، چوہدری امانت، چوہدری سردار، چوہدری خوشی، چوہدری بوٹاحیات و ایلو ک ہم داوخت آ ساڑی ئسر ۔
