صدر مملکت ممنون حسین ءِ پاکستان ءُُ بحرین ءِ نیام ءَ سیکورٹی ءُُ انٹیلی جنس کمک ءِ تہ ءَ گیشی ءُُ وت مہ وتی تجارتی کساس ءِ تہ ءَ گیشی ءِ سر ءَ زور
اسلام آباد ۔ 29 ستمبر (اے پی پی) صدر مملکت ممنون حسین ءَ ناشرکاری ءُُ کشاں چیل ءِ بیم آں گوں گر ءُُ چیل بوھگ ءِ ھاترا پاکستان ءُُُ بحرین ءِ نیام ءَ سیکورٹی ءُُ انٹیلی جنس کمک ءِ تہءَ گیشی ءِ سر ءَ زور پر داتگ۔ صدر ءِ مملکت ءَ اے گپ بحرین ءِ ایوان ءِ بالا شوریٰ کونسل ء، چیئرمین علی بن صالح الصالح ءَ گوں گپ ءُُ تران کنان ء۔ کت اَنت آئی ءَ آدینگ ءِ روچ ءَ وتی ٹولہ ءِ ھمبراھ ایوان ءِ صدر ءَ گند ءُُ نند کت۔ اے موہ ءِ سرءَ چیئرمین سینیٹ رضا ربانی ءُُ سینیٹر حمد اللہ ءَ ھوار ٹوھیں کارندہ ھم ساڑی اتنت۔ صدر ءِ مملکت ءَ گوشت کہ دوئیں ملک آنی نیام ءَ تجارت ءِ کساس بستار ءَ چہ کم ایشی ءِ گیشی ءِ سر ءَ دلگوشی ءِ ضلورت اِنت۔ اے رد ءَ پاکستان ءَ بحرین ئی سرمایہ کاری ءِ موہ آں چہ نپ چست کت کناں ۔ صدر ءِ ملک ءَ گوشت کہ پاکستانی اِزمکار آں بحرین ءِ دیمرؤی ء۔ ارزشتی ایں کرد پیلو کتگ۔ ما اُمیت دار آں کہ مئے اِزمکار آیوکیں وھد ءَ ھم ھمے رنگ ءَ سیت مندی کرد سہرا کن آں۔ صدر ءِ مملکت ءَ زندمانی ءِ بازیں شیوبگ آنی تہءَ بحرین ءِ نودربر ءُُ کارندہ آنی کمک ءِ ھم گوشت ۔ صددر ءِ مملکت ءَ زندمانی ءِ بازیں شوبگ آنی تہءَ کلانہ آننی روگ ءُُ آیگ ءِ درشان کنان ءَ گوشت کہ آیوکیں باندات ءَ ایشی ءِ تہ ءَ گیشی آرگ بہ بیت تانکہ دوئیں ملک آنی نیام ءَ یکجائی ءُُ صنعتی شوبگ ءَ یکجائی منصوبگ بندات بیت بہ کنت۔ آئیءَ اے موہ ءَ بحرین ءِ بادشاہ، ولی ءِ زمانگ، حکومت ءُُ اُلسءِ واستہ نیکیں واھگ آنی درشان کت۔ صدر ءِ مملکت ءَ گوشت کہ چیئرمین سینیٹ رضا ربانی میاں اوستمانی برات ءُُ ھاسیں رنگ ءَ اسلامی ملک آنی گوما پاکستان ءِ یکوئی ءَ را دیمروئی ءِ واستہ مزنیں اِزمت ءَ گوں کار کن اَنت ایش لائک ءِ ستا اَنت۔ بحرینی ایوان ءِ بالا ءِ چیئرمین علی بن صالح الصالح ءَ اے موہ ءَ بحرین ءِ بادشاہ ءُُ ولیءِ زمانگ ءِ نیمگ ءَ صدر ءِ ملکت ءَ را نیکیں واھگ آنی کلوہ دات ءُُ گوشت کہ دوئیں ملک آنی نیام ءَ ٹوھیں نزیکی ءُُ براتی اَست اِنت۔ آئی ءَ گیش تران کت کہ نرسنگ یونیورسٹی بحرین ءِ نیمگ ءَ پاکستنا ءِ واستہ یک ھاسیں ٹیکی یے اَست اِنت ایشی ءَ چہ وت مہ وتی کمک آنی تہ ءَ گیش شائیگانی بیت۔ آئیءَ اے موہ ءِ سر ءَ پاک چین اقتصادی راہداری ءَ چہ نپ چست کنگ ءِ واھشت ءِ درشان ھم سہرا کت۔ آئیءَ گوشت کہ پاکستان بحرین ءِ واستہ نا ایوک ءَ بلکینگ ءَ سرجمیں اسلامی دگنیا ءِ واستہ سک باز ارزشتی ملک اِت۔
