ویٹی کن سٹی۔ 29 ستمبر (اے پی پی) کیتھولک مسیحی تا روحانی پیشوا پوپ فرانسس باہوٹ آتا ودوک آ مخالفت نا رداٹ ’’شیئر داجرنی‘‘ پنی ءُ اسہ مہم اس بناء کرینو۔ ویٹیکن نا رداٹ دا اِرا سالہ مہم نا کمک اٹ پوپ مچ آ دنیا ٹی سیاست دان و خلقت نا است آتیٹی باہوٹ آتے کن جاگہ اس ودی کننگ خواہک۔ داٹی خلقت ءِ دا پنت و شون کننگک کہ او باہوٹ آتا بارواٹ غلط فہمی تا گواچی مفس۔ یات سلے کہ دا مہم اسہ ہندن ءُ وخت اسے ٹی بناء کننگانے ، ہراتم امریکہ و گیشتر یورپی ملک آتیٹی راستیکو دُوانا واک و باہوٹ مخالف جوزہ غاک ترندی اٹ ودنگ ءُ۔
