راولپنڈی ۔ 28 ستمبر (اے پی پی) پاک فوج ئِ سرکماش جنرل قمر جاوید باجوہ ئَ گوشت کہ
بلوچستان ئَ امن ،سوگو ئُُ دیمروئی ئِ ابید پاکستان دیمروئی کُت مہ کنت۔پاک اُردو ئِ شوبگ (آئی ایس پی آر) ئِ نیمگا چہ جاڑی بیان ئِ ردا اے ھیالانی درشان آہاں پنچ شمبے ئَ آئی ایس پی آر ڈائریکٹوریٹ ئَ بلوچستان ئِ لہتیں وانگ ئُُ زانگ ادارگ آنی 173نودربر ئُُ استاد آنی ڈلے گوما گپ ئُُ تران کنان ئَ گوشتگ انت۔پاک اُردو ئِ سرکماش جنرل قمر جاوید باجوہ ئَ گوشت کہ پاکستان بلوچستان ئِ ابید سرجم نیست انت۔آہاں پاکستان ئِ ورناہان ملک ئِ کیمتی مڈی قرار دیان ئَ گوشت کہ ورناءوتی شریں کرد ئَ ادا کن انت ئُُ ملک ئِ دیمروئی ئُُ راجی یکجہتی ئَ وتی بھر ئَ مان کن انت۔آہاںنودربران کڈن کت کہ آں دژمن درملکی ایجنسیانی کمک ئَ گوں پاکستان ئَ چہ ڈن ئَ لہتیں ملک دژمنی کنوکیں مردم آنی نیمگ ئَ چہ کتگیں پروپیگنڈہ ئَ چہ گمراہ مہ بنت ئُُ وتی وانگ ئُُ زانگ ئِ سرا سرجم دلگوشی ئَ دنتئُُ باز سک محنت ئَ کن انت ئُُ منفی چیزاں دور دنت
