اسلام آباد۔ 28 ستمبر (اے پی پی) بنجائی وزیر سمندر پار پاکستانیز و شونداری و انسانی وسیلہ پیر سید صدرالدین شاہ راشدی تون یورپی یونین نا سفیر جین فرینکوئس اوڑدہی کرے۔ اوڑدہی ٹی پاکستانی پردیسی تا بحالی نا بابت معاملہ غاتیا خیال آتا درشانی ءِ کننگا۔ اوڑدہی ٹی کانودی ذرائع اٹ یورپ آ ہنوک آ پردیسی و اوفتے تروک آ آسراتی تیا شرہ کننگا۔ بنجائی وزیر پارے کہ پاکستان و یورپی یونین نا نیام اٹ خڑکی تعلقداریک ءُ ۔ اوپاکستانی پردیسی تا بابت تکنیکی کمکاری آ یورپی یونین نا کڑد انا ستاءِ کرے۔ یورپی یونین نا سفیر پارے کہ پدی بروک آ پاکستانی ورکرآتا بحالی کن اقتصادی امور ڈویژن تون اسہ معاہدہ سے آ ہیت وگپ جاری ءِ۔ داچرجوئی ٹی وزارت تینا کڑد ءِ ادا کے۔ بنجائی وزیر یورپی یونین نا سفیر ءِ پاکستانی پردیسی تا بحالی نا چرجوئی ٹی وزارت سمندر پار پاکستانیز و شونداری و انسانی وسیلہ نا پبی کمک نا باوری ترفے۔
