اسلام آباد۔28ستمبر(اے پی پی) چین پاکستان اقتصادی راہداری منصوبہ (سی پیک) ئِ ردئَ خیرپختونخوا ئِ ضلع نوشہرہ ئَ استیں رشکئی اقتصادی زون دسمبر2017ءَ کار ئَ بندات کنت، رشکئی اقتصادی زون ( ایم ون نوشہرہ) ئِ ھاترئَ 2000ایکٹر زمین حاصل کنگ بوتگ ءُ صنعتی بستی ئِ جوڈ کنگئِ ھاترئَ گامگیج زوت چست کنگ بوھگئَ اِنت۔ وزارت منصوبہ بندی ئِ تہا جوڈ سی پیک سیکرٹریٹ ئِ حکام ئَ اے پی پی ئَ را ھال داتگ کہ اقتصادی زون ئِ تہا نیوگءُ وردنءُ وراک ئِ پیپیکجنگ، ٹیکسٹائل سٹچنگ و نیٹنگءُ دگہ ھمگرنچیں صنعت جوڈ کنگءُ آھانی ھاترئَ آسراتی ئِ سرئَ دلگوشی کنگ بیت۔ رشکئی اقتصادی زون ئِ دمگی ءُ جغرافیائی ارزشت ئِ سرئَ چمشانک داتگءُ آئیئَ گشتگ کہ اے صنعتی بستی ئَ چہ بالی پڑئِ دوری 65کلومیٹر، ڈرائی پورٹ 65 کلومیٹر، ریلوے سٹیشن 25کلومیٹر، سٹی سینٹر15 کلومیٹر، ہائی وے 5کلومیٹرءُ موٹر وے جُگ مہ جُگ اَنت۔ یک جُستے ئِ سرئَ آئیئَ گشتگ کہ اے دمگئِ تہا صنعتی بستی ئِ جوڈ کنگئِ سوج ئِ سرئَ صوبائی حکومتئِ نیمگئَ چہ اَتکگ ءُ ایشی ئِ سرئَ بنجاھی حکومت ئِ نیمگئَ چہ ایچ نہ گشگ بوتگ۔ حکام ئِ گشگئِ ردئَ سی پیک ئِ دومی بھر ئِ ردئَ پاکستانئِ تہا چین ئِ کمک ئَ چہ صنعتی آشوبے کیئت ، اے بھرئِ تہا ملک ئِ چاریں صوبہ ، گلگت بلتستان ، فاٹا ءُ آزاد کشمیر ئَ مُچ 9صنعتی زونز جوڈ کنگ بنت۔
