اسلام آباد۔28ستمبر(اے پی پی) بنجاھ ئِ چیر دستی ئَ قبائلی دمگ (فاٹا) ئَ آپریشن ضرب عضب ئَ چہ آماچ بوتگیں 49ہزار 303لوگانی سروے سرجم کنگ بوتگ، سرجمئَ تباھ بوتگیں لوگانی ملام چارلکھ کمو آماچ بوتگیں لوگانی ملام یک لکھ ششت ہزار کلدار دیئگ بوھگئَ اِنت۔ فاٹائِ تعمیر نو ءُ بحالی ئِ پروگرام منیجر شکیل انجم ئَ پنچ شمبے ئِ روچئَ اے پی پی ئِ گوما گپءُ تران کتگءُ گشتگ کہ بنجاھ ئِ چیردستی ئَ قبائلی دمگاں ناشرکارانی ھلاپ ئَ آپریشن ضرب عضب ئَ چہ آماچ بوتگیں لوگانی سروے ئِ عمل جاڑی اِنت تاں انگت 49ہزار303لوگانی سروے سرجم کنگ بوتگ۔ کہ ایشاناں دو کیٹیگریئَ بھر کنگ بوتگ کہ ایشی ئِ تہا اے کیٹیگری سرجم تباھ بوتگ وھدے کہ کیٹیگری بی کمو آماچ بوتگ لوگءُ جاگہانی ھاترئَ کارمرز کنگ بوھگئَ اِنت۔ آئیئَ گشتگ کہ سروے ئِ عمل ئِ تہا پنچ باسکی ٹیم کار کنگئَ اِنت کہ ایشیئِ تہا یکے سیکیورٹی فورسز اہلکار، دومی محکمہ مال ، سئمی ضلعی انتظامیہ ، چارمی باسک محکمہ وانگءُ زانگ وھدے کہ پنچمی باسک دمگئِ نمائدگ ھوار اِنت کہ سروے ئَ سرجم کن اَنتءُ وتی رپورٹ بحالی ءُ تعمیر نوئِ محکمہ ئِ ھوالگئَ کن اَنت۔ شکیل انجم ئَ گشتگ کہ سروے ئِ عملئَ پد ادارکی ئَ بے لوگ بوتگیں مردمانی لڑ فاٹا سیکرٹریٹ ئَ را دیم دیئگ بیت کہ ایشی ئَ چہ پد بے لوگ بوتگیں مردمانی لوگانی ملام پُر کنگ بنت۔
