حق ملکیت دانش نا رکھ انا بابت پاکستان نا درجہ بندی ٹی گچینی، پاکستان ءِ اسپیشل 301اولیتی واچ لسٹ آن آؤٹ آف سائیکل ری ویو تون واچ لسٹ اٹ اوار کننگانے
اسلام آباد۔ 27 ستمبر (اے پی پی) حق ملکیت دانش نا رکھ انا بابت پاکستان نا درجہ بندی ٹی گچینی بسنے۔ دابشخ اٹی پاکستان ءِ اسپیشل 301اولیتی واچ لسٹ آن آؤٹ آف سائیکل ری ویو تون واچ لسٹ اٹ اوار کننگانے۔ داہیت ءِ پاکستان اٹ امریکہ نا سفیر ڈیوڈ ہیل بنجائی وزیر خزانہ سینیٹر اسحاق ڈار ءِ چارشنبے نادے ٹیلی فون آ ہیت و گپ اٹی پارے۔ اوبنجائی وزیر ءِ حق ملکیت دانش نا بابت امریکی حکومت نا سالانہ اسپیشل 301رپورٹ نا بارواٹی معلومدار کرے۔ امریکی سفیر بنجائی وزیر ءِ ملکیت دانش نا رکھ انا بابت پاکستان نا درجہ بندی ٹی گچینی آ مبارکبادی تس۔ رپورٹ اٹ دابشخ اٹی پاکستان نا کنڈآن کروک آ گام گیج آتا امنا کننگا۔
