لین آف کنٹرول آ بھارتی سم کاری آن اسہ بندغ اسے نا شہیدی نا مذمت
اسلام آباد۔ 27 ستمبر (اے پی پی) وزیراعظم آزاد کشمیر راجہ فاروق حیدر خان نا سینیٹ اٹی قائد ایوان راجہ ظفرالحق تون اوڑدہی کرے۔ ہڑتوم آ راہشونک لین آف کنٹرول آ بھارتی سم کاری آن اسہ بندغ اسے شہیدی نا مذمت ءِ کریر۔ وزیراعظم آزاد کشمیر راجہ فاروق حیدر پارے کہ بھارتی فوج کودک بندغ آتے نشانہ جوڑ کننگ ءِ جہانی برادری نوٹس ہلے۔ اوپارے کہ وادی ٹی جاری سیاسی جہد کوزہ گر فوج انا حوصلہ ءِ پست کرے۔ اوپارے کہ ہندوستان نا سم کاری آن شہید مروک آتے سرکاری اعزاز اتون جہہ جاگہ کننگک۔ سینیٹ اٹی قائد ایوان سینیٹر راجہ ظفرالحق پارے کہ حکومت پاکستان معاملہ ءِ جہانی کہول آ چست کیک۔ اوپارے کہ کشمیری تا دتر ہڑزآن اف بھارتی ڈوہ ناقابل معافی ءِ۔ اوپارے کہ وزیراعظم پاکستان اقوام متحدہ ٹی کشمیری تا مقدمہ ءِ جوان وڑاٹ پیش کرے۔ اوپارے کہ حکومت و الس کشمیری تا سیاسی و اخلاقی مخ تفی ءِ برجاتخک۔
