اسحاق ڈار نا ڈوہ آن نہ من اسلام آباد۔ 27 ستمبر (اے پی پی) احتساب عدالت معلوم کٹیا غان زیات میرات آتا نیب ریفرنس اٹی بنجائی وزیر خزانہ اسحاق ڈار آ فرد جرم بیٹ کرے وخت اس کہ وزیر خزانہ غٹ دوبہ غاتے بے بنداو گوندسا اوفتے مسترد کرے۔ چارشنبے نا دے اسلام آباد نا احتساب عدالت اٹ نیب ریفرنس آ اسحاق ڈار نا برخلاف چارمیکو سماعت نا وخت آ …
احتساب عدالت معلوم کٹیا غان زیات میرات آتا نیب ریفرنس اٹی بنجائی وزیر خزانہ اسحاق ڈار آ فرد جرم بیٹ کرے
گیشتریں ھال
اسحاق ڈار نا ڈوہ آن نہ من
اسلام آباد۔ 27 ستمبر (اے پی پی) احتساب عدالت معلوم کٹیا غان زیات میرات آتا نیب ریفرنس اٹی بنجائی وزیر خزانہ اسحاق ڈار آ فرد جرم بیٹ کرے وخت اس کہ وزیر خزانہ غٹ دوبہ غاتے بے بنداو گوندسا اوفتے مسترد کرے۔ چارشنبے نا دے اسلام آباد نا احتساب عدالت اٹ نیب ریفرنس آ اسحاق ڈار نا برخلاف چارمیکو سماعت نا وخت آ وزیر خزانہ عدالت نا مون آ پیش مس ہراڑے احتساب عدالت اوڑآ فرد جرم بیٹ کرے۔ او پارے کہ اوڑآ خلوک آ غٹ دوبہ غاک بے بنداو ءُ۔ داوخت آ پولیس نا کنڈآن وکیل و صحافی تے عدالت اٹ پترینگ انگ نا موکل تننگ توو گڑاس وکیل عدالت نا گیٹ آن لگسا عدالت نا دنگ اٹی پترینگار۔ یات سلے کہ نیب ریفرنس آ اسحاق ڈار 25 ستمبر آ اسلام آباد نا احتساب عدالت اٹ پیش مسوسس ہراڑے عدالت گونڈ ءُ سماعت اسے آن پد اودے فردجرم بیٹ کننگ کن بٹنگاسس۔
