اسلام آباد۔ 27 ستمبر (اے پی پی) فاٹا نا عارضی وڑاٹ بے اُرا بندغ آتا 28 ہزار 730 بھس مروک ہند آتا معاوضہ غاتا مد اٹی داوخت اسکان 9 ارب 36 کروڑ روپئی بشخ وپانٹ کننگانے۔ فاٹا آر آر یو نا پروگرام منیجر شکیل انجم چارشنبے نادے ’’اے پی پی‘‘ تون ہیت وگپ کرسا پارے کہ آپریشن ضرب عضب اٹی زہمی مروک آ عارضی وڑاٹ بے اُرا بندغ آتا ہند آتا معاوضہ غاتا فراوانی نا عمل برجاءِ۔ سروے ٹیمک داوخت اسکان 37ہزار 592ہند آتا سروے ءِ پورو کرینو ہرافتیان 28 ہزار 730 بھس مروک ہند آتا معاوضہ تننگانے ہرا 9 ارب 36 کروڑ 90 لکھ روپئی ءُ۔ اوپارے کہ 5 ہزار 900 ہند آتا معاوضہ غاتا ہندا تُو اٹی ادا کننگک۔ اوپارے کہ آپریشن ضرب عضب اٹی پورو وڑاٹ بھس مروک آ ہند آتا معاوضہ چارلکھ روپئی وخت اس کہ جزوی وڑاٹ زہمی مروک آ اُرانا معاوضہ اسہ لکھ 60 ہزار روپئی تننگ انگ ءِ ۔ شکیل انجم پارے کہ فاٹا ٹی آپریشن آن زہمی علاقہ غاتیٹی سروے نا عمل برجاءِ ہرا جون 2018 ء اسکان برجاسلک۔
