سی پیک ءُ یک پٹی یک شاھ دگ لیکہ ئَ را راستیں رنگئَ پدّر کنگئَ پاکستانی ھال درئِ عملی کرد لکھ ستاھ کرزیت، ون بیلٹ ون روڈ گامگیج ئِ سکیں جوانیں نتیجگ دیمئَ کااَنت، گامگیج ئَ را عملی دروشم دیئگ ئِ ھاترئَ گامگیج کنگ بوھگئَ اِنت، پاھدگ مندیں کمک ءُ تمبل ئَ را وش اَتک کن اَنت
چین ئِ نائب مزن وزیر ژانگ گاولی ئِ ایشیئن میڈیا ورکشاپ ءُ میڈیا کواپریشن فورم 2017ئَ گوں تران
بیجنگ۔26ستمبر(اے پی پی) چینئِ نائب مزن وزیر ژانگ گاولی ئَ پاک چین اقتصادی راہداری ءُ یک پٹی یک شاہ دگ ئِ لیکہ ئَ را راستیں رنگئَ پاکستانی ھال درئِ ھمراھ داری ءُ عملی کردئَ راساڑاتگ۔ آئیئَ اے گپ بیجنگ ئِ عظیم اُلسی ہال ئِ تہا میاں اوستمانی ھال در ہاوسز ئِ سروکءُ نمائندگ آنی مُچیئَ گوں تران کنانئَ کتگ۔ آئیئَ گشتگ کہ پاک چین اقتصادی راہداری ءُ یک پٹی ءُ یک شاہ دگ لیکہ ئَ را راستیں دروشمئَ پدرکنگئَ ھال د ر بنکی ارزشت ئِ کرد پیلو کُت کنت، ایشیئن میڈیا ورکشاپ و میڈیا کوآپریشن فورم 2017ئِ نام ئَ چہ اے مراگش ئَ پاکستانئَ ھوار 126ملک ءِ 300ءَ چہ گیش ھال درئِ ادارگانی سروک ءُ نمائندگ ھوار بوتگ اَنت ۔ اے ورکشاپ چین ئِ کمیونسٹ پارٹی ئِ میاں اوستمانی ڈیپارٹمنٹ ءُ پیپلز ڈیلی ئَ کتگ۔آئیئَ یک پٹی یک شاہ دگ ئِ وژن ءُ گامگیج ئَ را سرپد بوھگءُ ایشی ئِ ارزشتئَ را پدّر کنگ میڈیا ہاﺅسز ئِ کردئَ راساڑاتگءُ گشتگ کہ اے وژن ئِ عملی اطلاق ئَ چہ عالمگیر تکءَ امنءُ ایمنی ، دیمروئی ، وشھالی ءُ کمکئَ راگیشی رسیت، ون بیلٹ ون روڈ گامگیج ئِ تہا زانتکاریں کمک پھجارینگ ئَ چین ھال درئِ دراھیں ادارگءُ تھینک ٹینکس ئِ شگرءُ منت ئَ گراَنت، گوستگیں چارسالانی تہا ون بیلٹءُ ون روڈ گامگیج ئِ باز جوانیں نتیجگ دیمئَ اَتکگ اَنت ، اے گامیگج ئَ را عملی دروشم دیئگئِ ھاترئَ گامگیجانی سلسلہ جاری اِنت ءُ مہ پاھدگ مندیں کمکءُ تمبل ئَ را وش اَتک کن اَنت، مہ سرپد بں کہ اُلسی نزیکی ئِ وسیلگئَ مہ یکے دومی ءِ تجروبتئَ چہ باز چیز ئَ چہ بلد بوتگ اَنت۔ آئیئَ گشتگ کہ دنیا سائنس ءُ ٹیکنالوجی ئِ پڑئَ بے مٹیں مٹءُ ب بدلی ئَ چہ گوازگئَ اِنت، مہ سرپد بنت کہ ون بلٹءُ ون روڈ ویژن یک انچیں جوانیںگامگیج اِت کہ ایشی ئِ مولءُ مرادئِ حاصل کنگ بے شولءُ صلہ ءُ نزیکی ئَ بوت نہ کنت۔ اے موھئِ سرئَ ایسوسی ایٹڈ پریس آف پاکستان (اے پی پی) ئِ منیجنگ ڈائریکٹر مسعود ملکئَ گشتگ کہ صدر شی جن پنگ ئِ ون بیلٹ ون روڈ ویژن باز جوان اِنت ءُ ایشیئَ را راست کنگئَ پد نیزوریں معیشت ئِ ملک آنی تہا آشوبیں مٹی ئِ کشک تچک بنت۔ آئیئَ گشتگ کہ پاک چین اقتصادی راہداری ءُ یک پٹی یک شاہ دگ لیکہ ئَ را پدّر کنگئَ سوشل ھال در بنکی کرد پیلو کُت کنت۔
