محمد نواز شریف احتساب عدالت اٹ پیش مرسا اینو ہم پاکستان نا آئین و کانود نا پاسداری ءِ کرے و ادارہ غاتے سوگو کننگ نا پوسکن ءُ مثال اس قائم کرے
اسلام آباد۔ 26 ستمبر (اے پی پی) وزیر مملکت اطلاعات ، نشریات و قومی میرات مریم اورنگزیب پارینے کہ محمد نواز شریف احتساب عدالت اٹ پیش مرسا اینو ہم پاکستان نا آئین و کانود نا پاسداری ءِ کرے و ادارہ غاتے سوگو کننگ نا پوسکن ءُ مثال اس قائم کرے، گڑتی تا باوجود ادارہ غاتا شرف و آئین و کانود نا پاسداری ءِ دیر کننگ ءِ؟ ، مچ آ پاکستان ہُننگ ءِ ، ادارہ غاتے دھڑکو، کرینگ ترسا، تضحیک کرسا معافی دیر خواہنگ ءِ؟ دادے ہم مچ آ پاکستان ہُننگ ءِ ، محمد نواز شریف غٹ کانودی حق مننگ نا باوجود عملاََآئین و کانود نا پاسداری ءِ کرے و ادارہ غاتا عزت ءِ کرے، محمد نواز شریف پاکستانی قوم انا وونٹ انا تقدس و رکھ انا بیڑہ ءِ ہرفینے، پاکستان نا الس نا وونٹ انا تقدس تون ہی پاکستان نا رکھ جاڑ گنڈوک ءِ۔ سے شنبے نادے تینا بیان اٹی وزیر مملکت مریم اورنگزیب پارے کہ محمد نواز شریف غٹ کانودی حق مننگ نا باوجود عملاََ آئین و کانود نا پاسداری ءِ کرے و ادارہ غاتا عزت ءِ کرے ، ایلوتیامبار مخ اناخل و دماغ نا خل انا بہانہ ءِ کتوبلکن مچ آ خاہوتءِ پاکستان نا کانود نا مون آ پیش کرے۔ اوپارے کہ پاکستان نا ہرا وزیراعظم و خاہوت داکان مست دُن ءُ مثال اس قائم کرے؟، وزیر مملکت مریم اورنگزیب پارے کہ پاکستان نا الس داوزیراعظم تون انصاف کننگ ءِ ہُننگ خواہک ہرادے پاکستان نا الس وونٹ ترسا وزیراعظم جوڑ کرے، پاکستانی کانود نا رداٹ فیئر ٹرائل محمد نوازشریف و اونا خاہوت نا آئینی حق ءِ۔ اوپارے کہ محمد نواز شریف پاکستانی قوم انا وونٹ انا تقدس و رکھ انا بیڑہ ءِ ہرفینے، پاکستان نا الس نا وونٹ انا تقدس تون ہی پاکستان نا رکھ گنڈوک ءِ۔
