سی پیک و اسہ پٹی و اسہ شاہراہ تغ ءِ حقی وڑاٹ تالان کننگ اٹ پاکستانی میڈیا نا عملی کڑد ستاء کڑزک ، ون بیلٹ ون روڈ گام گیج نا بے کچ فائدہ مسنے، گام گیج آتے عملی دروشم اس تننگ کن گام گیج آتا چرجوئی برجاءِ، فائدہ ئی کمک و عمل ستاء کڑزک
چین نا نائب وزیراعظم ژانگ گاولی نا ایشیئن میڈیا ورکشاپ و میڈیاکواپریشن فورم 2017ء آن تران
صدرشی جن پنگ نا ون بیلٹ ون روڈ وژن ءِ عمل دروشم اس تننگ آن پد نزور معیشت آتا حامل ملک آتیٹی انقلابی بدلی تا کسرآک آوار مریرہ
بیجنگ۔ 26 ستمبر (اے پی پی) چین نا نائب وزیراعظم ژانگ گاولی پاک چین اقتصادی راہداری و اسہ پٹی اسہ شاہراہ تغ ءِ حقی وڑاٹ تالان کننگ اٹی پاکستانی میڈیا نا مخ تفی و عملی کڑد انا ستا ءِ کرینے۔ اوداہیت ءِ بیجنگ نا عظیم السی ہال اٹی جہانی میڈیا ہاؤس آتا سروک و نمائندہ غاتا مچی آن تران کرسا پارے۔ اوپارے کہ پاک چین اقتصادی راہداری و اسہ پٹی اسہ شاہراہ تغ ءِ حقی وڑاٹ تالان کننگ نا رداٹ میڈیا کلیدی اہمیت تخوک کڑد ادا کننگ کیک، ایشیئن میڈیا ورکشاپ و میڈیا کواپریشن فورم 2017 ء نا پن اٹ دا دود اٹی پاکستان تون اوار 126ملک آتا 300 آن زیات میڈیا نا ادارہ غاتا سروک و نمائندہ غاک ساڑی ئسر ہرانا انعقاد ءِ چین نا کمیونسٹ پارٹی نا انٹرنیشنل ڈیپارٹمنٹ و پیپلزڈیلی کرینے۔ اواسہ پٹی اسہ شاہراہ نا وژن و گام گیج آتے پہہ مننگ و اونا ادراک آ میڈیا ہاؤس آتا کڑد انا ستاءِ کرے و پارے کہ داوژن نا عملی اطلاق آن عالمگیر کہول آ امن ، شونداری ، شونہالی و کمکاری ءِ مون آ دننگک، ون بیلٹ ون روڈ گام گیج آتیٹی دانشورانہ کمک فراوان کننگ آ چین میڈیا نا غٹ ادارہ و تھینک ٹیکنس نا منت واراُن، گدرینگوک آ چارسال اٹی ون بیلٹ ون روڈ گام گیج نا بے کچ فائدہ مسنے، دا گام گیج ءِ عملی دروشم اس تننگ کن گام گیج آتا چرجوئی برجاءِ و نن فائدہ ئی کمک و عمل نا ستاءِ کینہ ، نن سمجھنہ کہ السی رابطہ غاتا کمک اٹ نن اسہ ایلو نا آزموندہ غاتیان بھاز گڑا ہیل کننگ کینہ۔ اوپارے کہ دنیا سائنس و ٹیکنالوجی نا بشخ اٹی بے مثل بدلی تیان گدرینگ انگ ءِ ، نن سمجھنہ کہ ون بیلٹ ون روڈ وژن اسہ ہندن ءُ جتا ءُ گام گیج اسے ہرانا ہدف آک عملی صلابت و رابطہ غاتیان بیدس ممکن افس۔ داوخت آ ایسوسی ایٹڈ پریس آف پاکستان (اے پی پی) نا منیجنگ ڈائریکٹر مسعود ملک پارے کہ صدر شی جن پنگ نا ون بیلٹ ون روڈ وژن شاندار ءِ و دادے عملی دروشم اس تننگ آن پد نزور معیشت آتا حامل ملک آتیٹی انقلابی بدلی اسے نا کسر آوار مریک۔ او پارے کہ پاک چین اقتصادی راہداری اسہ پٹی اسہ شاہراہ تغ ءِ تالان کننگ اٹی سوشل میڈیا کلیدی کڑد ادا کننگ کیک۔
