اسلام آباد۔ 26 ستمبر (اے پی پی) وزیر مملکت توانائی عابد شیر علی پارینے کہ نواز شریف ثابت کرینے کہ او عدلیہ نا شرف ءِ کیک۔ سے شنبے نا دے احتساب عدالت نا پیشن صحافی تتون ہیت وگپ کرسا اوپارے کہ پانامہ نا پِن آ تماشہ کروک آک ملک ءِ اَنا نا کنڈآ دِکہ تننگ ءُ ولے او وخت اس ہم سرسہب مفسہ۔ اوپارے کہ پاکستان مسلم لیگ نواز مدام کانود و آئین نا پاسداری نا ہیت ءِ کرینے۔ مسکوہی وزیراعظم نواز شریف احتساب عدالت اٹ پیش مرسا ثابت کرینے کہ نن عدلیہ نا شرف ءِ کینہ۔ اوپارے کہ ملک دشمن واک آتے شکست مریک و انتشار تالان کننگ و نواز شریف و اونا چناتا لندن آن نرنگ نا بابت قیاس آرائیک بایدے چٹر۔ اوپارے کہ ملک ترندی اٹ شونداری نا کنڈآ روان ءِ۔ نواز شریف نا سروکی ٹی مسلم لیگ (ن) نا شیر متحد ءِ۔
