راولپنڈی۔ 26 ستمبر (اے پی پی) چیف آف آرمی اسٹاف جنرل قمر جاوید باجوہ تون پاکستان اٹی چین نا سفیر سن وائی دونگ سے شنبے نا دے داڑے سپاروکی اوڑدہی کرے۔ آئی ایس پی آر نا کنڈآن جاری بیان نا رداٹ اوڑدہی ٹی علاقائی سلامتی نا معاملہ غاتون اوار تین پہ تینی است خواہی نا معاملہ غاتیا ہیت وگپ مس۔ سن وائی دونگ ہرانا پاکستان اٹی سفارتی مُد چٹنگ ءِ ، ڈیہہ ٹی امن و سوگوی کن پاک فوج انا خذمت آتا اعتراف ءِ کرسا اوفتا ستاءِ کرے و ہڑتوم آ سنگت ملک آتا نیام اٹ گچین تعلقداری تے کن کاریم ءِ برجاتخنگ نا عزم انا درشانی ءِ کرے۔ داوخت آ چیف آف آرمی اسٹاف جنرل قمر جاوید باجوہ سفیر نا خذمت آتیا منت واری ءِ ہرفسا پارے کہ سیکورٹی حالیت آتا رداٹ پاکستان وسیع وڑاٹ تین پہ تین گنڈوک و تین پہ تینی سیبو نا حامل ڈیہہ کن تینا کوشست آتے برجاتخک۔
