اسلام آباد۔ 26ستمبر (اے پی پی) وزارت ڈٹ بندی، شونداری و اصلاحات سرکاری بشخ انا شونداری پروگرام تیٹی ریلویز ڈویژن نا شونداری ڈٹ آتے کن جم وڑاٹ 8 ارب 63کروڑ 18 لکھ روپئی آن زیات نا فنڈ جاری کرینے۔ حکومت داڈویژن نا شونداری کاریم تے کن 42ارب 90 کروڑ روپئی نا فنڈ جتا کرینے ۔ پلاننگ کمیشن نا جاری کروک حساب و کتاب نا رداٹ حکومت چین پاکستان اقتصادی راہداری ڈٹ انا رداٹ ایم ایل ون نا ڈیزائننگ ، بحالی و اپ گریڈیشن کن 5 ارب 50 کروڑ،75نیو ڈیزل لوکوموٹوز کن 66کروڑ 35لکھ، کول ٹرانسپورٹیشن کن اسہ ارب 75کروڑ، کوہاٹ۔ راولپنڈی آزموندہ ہی بنداو تیا چلیفوک آ ریل کار اکن 14کروڑ 44لکھ، سکھ یا تری تے پوسکن آ آسراتی تا فراوانی کن حسن ابدال، ننکانہ صاحب و نارووال نا ریلوے اسٹیشن آتا اپ گریڈیشن کن 10 کروڑ روپئی تون اوار چندی شونداری ڈٹ آتے کن فنڈ جاری کرینے۔
