اسلام آباد۔ 25 ستمبر (اے پی پی) بُنجاھی وزیرئِ ھزانگ اسحاق ڈار دو شمبے ئِ سھب ئَ وطن ئَ واتری ئَ پد اسلام آباد ئَ کیاسگری آمید گس ئَ پیش بوت۔ دو شمبے ئَ کیاسگری آمدی گس ئِ جج بشیر احمد ئَ اسحاق ڈار ئِ ھلاپ ئَ جم بوتگیں نیب ئِ ریفرنس ئِ گوشداری کت۔ آمید گس ئَ کٹ ئَ چہ گش مڈی جوڑ کنگ ئِ ریفرنس ئَ چار شمبے 27ستمبر ئَ اسحاق ڈار ئِ ھلاپ ئَ فرد ئِ جرم ئِ حکم دات۔ آمید گس ئَ اسحاق ڈار ئَ را 50لاکھ کلدار ئِ زامنی جم کنگ ئِ حکم دات۔
