گوشتگ اَت کہ شیر کئیت، شیر کئیت ئُُ سرجمیں پاکستان ئَ چار ایت، مریم اورنگزیب
پیسریگیں مزن وزیر ئُُ شریف ھاندان ئَ وتی ھلاپ ئَ کانود ئِ مھکم دارگ ئِ نوکیں درور نکش کتگ
عمران خان ئَ چار سال آنی تہ ئَ ادارگ آناں کمزور کنگ ئَ ابید اِچ نہ کتگ، سپریم کورٹ ئَ کرپشن ئِ جار آنی جنوک وت آمید گس ئَ باگی اَنت
وزیر مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئِ بیان
اسلام آباد ۔ 25 ستمبر (اے پی پی) وزیر مملکت برائے اھوالکاری ئُُ شنگ کاری ئُُ راجی مڈی مریم اورنگزیب ئَ گوشتگ کہ محمد نواز شریف ئَ مُدام کانود ئِ شرپ ئُُ اِزت کتگ، پیسریگیں مزن وزریر ئُُ شریف ھاندان ئَ وتی ھلاپ ئَ کانود ئِ مھکم دارگ ئِ درور نکش کتگ، من گوشتگ کہ شیر کئیت ئُُ سرجمیں پاکستان ئَ چار ایت۔ دو شمبے ئَ وتی بیان ئِ تہ ئَ آئی ئَ گوشت کہ شریف ھاندان ئَ آمید گس ئِ پیسلہ ئِ ھلاپ ئَ آئینی ئُُ کانودیی کشک زُرتگ ئُُ ھمک پاکستانی شہری ئِ بستار ئَ شریف ھاندان ئَ را توامیں کانودی ھک اَست اِنت۔ آئی ئَ گوشت کہ پاکستان ئِ کانود ئَ را ھم شریف ھاندان ئِ بنیاتی ھک آنی ھیال کنگ لوٹ ایت۔ آئیئَ گوشت کہ منی لانڈرنگ ئِ نام ئَ بندات بوتگیں ئُُ ”اقامے“ ئَ گڈ بطوھوکیں کیس ئِ سر ئَ سرجمیں راج جُست کنگ ئَ اِنت۔ آئی ئَ گوشت کہ سپریم کورٹ ئَ کرپشن ئِ جار جنوک ئُُ وت آمید گس ئَ باگی بوھوک اَنت۔ وزیر ئِ مملکت ئَ ئَ گوشت کہ عمران صاحب وت ادارگ آناں زاھ ئُُ بد کنت، بے شرپ کنت، آمید گس ئُُ چہ جِھ ایت ئُُ پد ئَ ماپی لوٹ ایت، عمران خان ئَ چار سال آنی تہ ئَ ادارگ آناں ھمزور کتگ، ایشی ئَ ابیدا ٓئیئَ اِچ نہ کتگ۔ آئی ئَ گوشت کہ خیبر پختونخوا ئَ وتی حکومت ئِ کرپشن ئِ چیر دیگ ئِ ھاترا احتساب کمیشن ئَ را کُبل جت۔ وزیر ئِ مملکت مریم اورنگزیب ئَ گوشت کہ عمران خان صاحب پارٹی فنڈنگ ئِ واستہ جیوا جنت ئُُ گوشیت کہ جیوائی نہ جتگ ایڈدوائز داتگ ئُُ پیسا کمائینتگ، ھائے کودِکی!
