اسلام آباد۔ 25ستمبر (اے پی پی) بنجائی وزیر موسمیاتی بدلی مشاہد اللہ خان پارینے کہ محمد نواز شریف مست آمبار داوار ہم تینا برخلاف غٹ سازش آتا دلیری اٹ مقابلہ ئِ کیک۔ دوشنبے نا دے میڈیا تون ہیت وگپ کرسا اوپارے کہ پاکستان مسلم لیگ (ن) ئِ سپریم کورٹ انا فیصلہ غا گڑتی ئِ۔ اوپارے کہ پارٹی ورکرتینا معزول وزیراعظم نا برخلاف غٹ سازش آتے بے نقاب کننگ ئُ۔ گچین نمائندہ غاتے انتقامی کارروائی تا نشانہ جوڑ کننگ دراصل اونا پارٹی کارندہ غاتے نشانہ جوڑ کننگ نا ئِ۔ مشاہد اللہ خان پارے کہ ایم این اے چوہدری نثار اسہ صفائُ بندغ اسے و داوخت آ او ہچ ئُ سازش اسے ٹی اوار اف۔ اوقومی اسمبلی نا حلقہ این اے 120 نا ضمنی گچین کاری کن بیگم کلثوم نواز نا گچین کاری ٹی مریم نواز نا متحرک کڑد انا ستائِ کرے۔
