اسلام آباد۔ 25ستمبر (اے پی پی) بنجائی وزیر خزانہ اسحاق ڈار دوشنبے نا سہب وطن آ پدی بننگ آن دمدستی پد اسلام آباد نا احتساب عدالت اٹی پیش مس۔ دوشنبے نادے احتساب عدالت نا جج بشیر احمد اسحاق ڈار نا برخلاف دائر نیب انا ریفرنس نا سماعت ئِ کرے۔ عدالت کٹیا آن زیات میرات جاٹ جوڑ کننگ نا داریفرنس اٹی چارشنبے نا دے 27 ستمبر آ اسحاق ڈار نا برخلاف فرد جرم نا حکم بنفے۔ عدالت اسحاق ڈار ئِ 50 لکھ روپئی نا ضمانتی مچلکہ جمع کرفنگ نا حکم تس۔ سماعت آن پد اسحاق ڈار نا وکیل امجد پرویز احتساب عدالت نا پیشن میڈیا تون ہیت وگپ اٹی پارے کہ داسہ داپاننگ وخت آن مست مریک کہ دامقدمہ ٹی کانودی گرج آتے پورو کننگ انگ ئِ یا آخا ولے اینو ہرا کارروائی مسنے اوٹی 7 دے انا وخت ہرا معمول نا کم وود ہر مقدمہ ٹی تننگک ، ننے تننگ تنے۔ اواسہ سوج اسے نا ورندی ٹی پارے کہ پاکستان نا کانود نا رداٹ دُن ئُ ہچ ئُ پابندی اس اف کہ فوجداری مقدمہ غا نابودی مننگ کیک۔
